Saturday, March 30, 2013

is daur ke insaan wafa bhool gaye haiN

bewafa shayari
bewafai gazal

is daur ke insaan wafa bhool gaye haiN
bechare farishte haiN khata bhool gaye haiN
ab meri mohabbat ko naheeN us ki bhi parwah
wo yaad mujhe kate hain ya bhool gaye haiN

manzil mera maqsood hai ya doori e manzil
yeh baat mere raahnuma bhool gaye haiN

muddat hui me gam se bhi mahroom hun ya rab
kya hadse bhi mera pata bhool gaye haiN

azar sahi ishq magar hay re lazzat
wo dard mila hai ke dawa bhool gaye haiN

kis mu se shikayat kareN ham talkhiye gham ki 
kya zehre masarrat ka maza bhool gaye haiN

kehna hai khumar un se bohot kuch hameeN lekin
kya janeye kya yaad hai kya bhool gaye haiN

0 comments: