shajar ki shaak par jab bhi samar lehrane lagte hain ek gazal by altaf ziya

urdu ghazal by altaf ziya

shajar ki shaak par jab bhi samar lehrane lagte haiN

wo kachhe ho ke pakke us par patthar aane lagte haiN

ya mandir hai ya masjjid hai ye girja hai ye butkhana

zara sa aage badh jaun to phir maikhane lagte haiN

wo qatil hai hamare aur ham maqtool hain lekin 

unhen inaam milta hai hemen jurmane lagte haiN

safar ki sari uljhan me bhool jata hun

mere bache mujhe dekh kar jab muskane lagte haiN

bulandi par pohonchne ki hawas bhi khoob hoti hai 

jinheN udna nahee aata wo par phailane lagte haiN

• Tweet
• Share
• Share
• Share
• Share