Love Urdu Selected shayari
itne qareeb ake sada de gaya mujhe
main bujh rahi thi koi hawa degaya mujhe
us ne bhi khak daldi anjum ki qabr par
wo bhi mohabbaton ka sila degaya mujhe
kuch din se zindagi mujhe pehchanti nahee
yun dekhti hai jaise mujhe janti nahee
anjum pe hans raha hai to hansta rahe jahan
main bewaqoofion ka bura manti nahee
pyar ko pyar ke rangon me mila kar likhna
khat use likhna to titli ke paron par likhna
dosti kya hai ye dunya ko bhi andaza lage
khat use likhna to dushman ke pate par likhna
-------
tod ka har qasam aap ke sheher me
aagaye aaj ham aap ke sheher me
ek na ek din mulaqat ho jayegi
ate rehte hain ham aap ke sheher me
jo mere ansuon ka likha padh sake
log aise hain ka aap ke sheher me
sheher ye aap ka ye hamara nahe
bholtjate hain ham aap ke sheher me
aise waise kai dekhte dekhte
hogaye mohtaram aap ke sheher me
aap itni mohabbat karenge agar
mar hi jayenge ham aap ke sheher me
------
jo dil pe guzri ha jana tumhen batayen kya
ye dil to toot gaya ham bhi toot jayen kya
charag hone ki milti hain ye sazayen kya
bujha ke manen gi ham ko ye hawayen kya
tumhare bad safar me koi maza na raha
har ek mod pe socha ke laut jayen kya
hamare chere ke dagon par tanz karte ho
hamare pas bhi hai aina dikhayen kya
hamen libas bhi sada pasand hai nakhat
jo dil hi bujhgaya bahar se jagmagayen kya
