Saturday, March 30, 2013

hijr ki shab hai aur ujala hai

bewafa shayari

hijr ki shab hai aur ujala hai 
kya tasawwur bhi lutne wala hai

gam to hai ain zindagi lekin
gamgusaroN ne mardala hai

ishq majboor o namurad sahi 
phir bhi zalim ka bol bala hai 

kitni ashkoN ko kitni ahoN ko
ek tabassum me usne dhala hai 

maut aye to din phireN shayad
zindagi ne to maar dala hai

sher,nagma,shaguftagi,masti
gam ka jo roop hai nirala hai

dam andhere me ghut raha hai khumar
aur charon taraf ujala hai

0 comments: