GAZAL
FANI BADA YONI
NAME:SHOKAT
ALI
Takhallus: FANI
(1941-1879)
Zabt apna shiar tha na raha
Dil pe kuch ikhtiyar tha na raha
Dil marhom ko khuda bakhshe
Ek hi gamgusar tha na raha
Aa ke waqt e sokon marg aaya
Nala nakhosh gawar tha na raha
Un ki be mehriyoN ko kya malom
Koi ommedwar tha na raha
Aah ka etibar bhi kab tak
Aah ka etibar tha na raha
Kuch zamane ko saz gar sahi
Jo hameN saz gar tha na raha
Ab girebaN kaheN se chak nahiN
Shogl fasle bahar tha na raha
Mot ka intizar baqi he!
Aap ka intizar tha na raha
meherbaN ! ye mazare FANI he
aap ka jaN nisar tha na raha
0 comments: