romantic poetry
mirza galib ki gazal
Dil e nadaN tujhe hoa kya he?
Aakhir is dard ki dawa kya he?
Ham haiN mushtaq aur wo bezar
Ya elahi ye majra kya he?
main bhi munh meN zuban rakhta hoN
kash! Pucho ke mudda’a kya he?
Jab ke tujh bin nahiN koi mojod
Phir ye hangamah aye khuda kya he?
Ye pari chehrah loog kaise haiN
Gamzah o ashwah o ada kya he?
Shikan e zulf e aanbareN kiyo he
Nigah e chashm e surma sa kya he?
Sabzah o gul kahaN se aaye haiN
Abr kya chiz he? Hawa kya he?
Ham ko un se wafa ki he ummed
Jo nahiN jante wafa kya he?
“haN’ bhulakar tera bhala hoga!”
Aur durwesh ki sada kya he?
Jan tum par nisar karta hoN
main nahiN janta dua kya he?
main ne mana ke kuch nahiN galib
muft hath aaye to bura kya he?
0 comments: