hazrat firaq ki gazal Sar main soda bhi nahiN dil main tamanna bhi nahiN

romantic poetry

firaq gorakhpuri ki gazal

(3)

Sar main soda bhi nahiN dil main tamanna bhi nahiN

 Lekin is tark e muhabbat ka bharosa bhi nahiN

Dil ki ginti na yaganoN main na beganoN main

Lekin isjalwah geh e naz se othta bhi nahiN

Shikwa e jor kare kya koi is shokh se jo

Saf qael bhi nahiN saf mukar ta bhi nahiN

Meherbani ko muhabbat nahiN kehte aye dost

Aah ab mujh se teri rangish e beja bhi nahiN

Ek muddat se teri yad bhi aai na hameN

Aur ham bhol gaye hoN tujhe aisa bhi nahiN

Aaj gaflat bhi un aankhoN main he pehle se soda

Aaj hi khatir e bimar shakiba bhi nahiN

Aah ye majma e ahbab ye bazm e khamosh

Aaj mehfil main firaq e sukhan aara bhi nahiN

• Tweet
• Share
• Share
• Share
• Share