ek takhayyul hai jo mohtaj e bayaN rehte hai urdu gazal

romantic urdu poetry

gazal

by naresh kumar shad

ek takhayyul hai jo mohtaj e bayaN rehte hai

hai wo husn jo benaam o nishaN rehta hai

sab jise dushman e jaan kehte haiN wo dard tera

Khoon ban kar meri rag rag me rawan rehta hai

yaad aajati hai jab tere tabassum ki hameN

deer tak dil me charagaN ka samaN rehta hai

tere dewane ke charche bohot haiN lekin

tera dewana khuda jane kahaN rehta hai

shad ye dil ka fasana bhi fasana hai ajab

jo bayaN ho ke bhi muhtaj e bayaN rehta hai

• Tweet
• Share
• Share
• Share
• Share