Agar kabhi ap bhool kar bhi khyal-e tark-e jafa kren ge gazal by janab qabil ajmeri sahab

urdu gazal

Agar kabhi ap bhool kar bhi khyal-e tark-e jafa kren ge,

Wo lamhey aa aa k yad mujh ko wafa k ta'ny diya karen ge,

Hazar wo be'rukhi dikhaen lagao dil ka na chhup saky ga,

Zubaan to khamosh kar bhi len ge magr nigahon ka kaya kren ge,

Charagh-e dagh-e jigr frozaan,tajli ashk-e kho'n fazoon ter,

Khizaan ki jb is qadr khushi ho bahar aai to kaya kren ge,

Jo ik tabasum se phonk daalen mata'-e sabr o sakon-e aalam,

Agar wo rah-e wafa main ansu baha saken ge to kaya kren ge,

Pukaar do,istafada kar len farishty ishq-e wafa ka QABIL,

Hum aj apny rabaab-e dil par kisi ko naghma sara kren ge.

qabil ajmeri

• Tweet
• Share
• Share
• Share
• Share