aankhoN pe kya bithaya zameeN ka nahee raha

gazal

aankhoN pe kya bithaya zameeN ka nahee raha

nazroN se girgaya to kaheeN ka nahee raha

ek wo bhi waqt tha zabaN par the ham hi ham

ye kaisa waqt hai ke kaheeN ka naheeN raha

dar dar ki thokaroN ke siwa aur kya mila

jis ghar ka wo makeeN tha waheeN ka nahee raha

ek wo bhi marhala tha adawat diloN me thi

ab youN bhi hai ke silsila kaheeN ka nahee raha

jo shaks sirf dunya kamane me rehgaya

mazhar wo aasman o zameeN ka nahee raha

• Tweet
• Share
• Share
• Share
• Share